Kvíslartunga 66
270 Mosfellsbær

LÝSING

EIGNIN ER SELD OG KOMIN Í FJÁRMÖGNUNARFERLI.

Fasteignasala Reykjavíkur og Edwin Árnason kynna í einkasölu.

Fallegt tvílyft einbýlishús við Kvíslatungu 66, Mosfellsbæ.  Húsið er skemmtilega hannað með svefnherbergjum á neðri hæð og stórt alrými og baðherbergi á efri hæð þar sem er mikil lofthæð.  Húsið er 5-6 herbergja, skráð 232,6 fm. hjá Þjóðskrá.  Fjögur svefnherbergi eru á neðri hæðinni ásamt baðherbergi, stóru þvottahúsi og bílskúr.  Stofa, borðstofu og baðherbergi eru á efri hæðinni og útgengt er út á rúmlega 40fm. suður þaksvalir.  Bílskúr er rúmgóður með stórri hvítri bílskúrshurð og er skráður 44,3 fm af heildar fm. fjölda hússins.  Garður er tyrftur og möl er í innkeyrslu.

Allar nánari upplýsingar veitir Edwin Árnason, löggiltur fasteignasali, í síma: 893 2121 eða [email protected]

Smelltu hér til að fá söluyfirlit sent beint af vef fr.is


Nánari lýsing,  neðri hæð.
Komið er inn í góða forstofu sem opin er að stóru holi/gang neðri hæðar.  Frá holinu er gengið inn í herbergin á neðri hæð og er stiginn upp á efri hæð frá holinu.  Herbergin eru öll mjög rúmgóð og björt.  Baðherbergi neðri hæðar er flísalagt í hólf og gólf og er með fallegri innréttingu, upphengdu salerni og góðri sturtu.  Þvottahús er mjög rúmgott með flottum hvítum innréttingum og góðu skápaplássi, útgengt er út í garð frá þvottahúsinu.  Inngengi er í bílskúrinn frá austurhlið og er hann með flotuðu gólfi og máluðu.
Efri hæð,
Komið er upp í bjart og rúmgott alrými með mikilli lofthæð, 3.3 mtr. þar sem er eldhús, stofa, borðstofa og baðherbergi.  Eldhúsinnrétting er L-laga, eikarlituð og með góðu vinnuplássi.  Gengið er inn í rúmgott baðherbergi frá alrýminu.  Útgengi er frá stofuhluta, út á stórar suðursvalir sem opnar eru til austurs og vesturs og eru með miklu og fallegu útsýni til þriggja átta.  Samstætt harðparket er á efri og neðri hæð,  tröppur á milli hæða eru skemmtilega útfærðar sem steyptar einingar út úr veggnum.  Samstæðar, svartar háglans, flísar eru á gólfum baðherbergis neðri hæðar og þvottahúss. Gólf í bílskúr er flotað og málað

Ýmistlegt er óklárað í húsinu, td. ekki er búið að setja upp hurðir og karma á rými neðri hæðar,  eftir er að fúga flísalögn á baðherbergi neðri hæðar og gólfi þvottahúss, ófrágengið er milli parkets og flísa á neðri hæð og ekki eru gólflistar eða annar frágangur milli parkets og veggja efri og neðri hæðar. Parket var sett til bráðabirgða á forstofuhluta og er það ekki fullfrágengið þar sem það mætir útidyrahurð.  Handrið vanntar á stiga og stigaop upp á efri hæðina.  Baðherbergi efri hæðar er svo til ófrágengið.  Eldhúsinnréttingin var sett upp til bráðabirgða og er því skápapláss minna en ætla mætti. 

Eignin er ennþá skráð á byggingarstig 5, og matsstig 8,  fullnaðarúttekt á eftir að fara fram fyrir matsstig 7.   Eignin er seld í því bygginarstigi og því ástandi sem hún er í við skoðun.

Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Fasteignasala Reykjavíkur því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.  
 

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0,8% af heildarfasteignamati hjá einstaklingum. Sé um fyrstu kaup að ræða er stimpilgjald af kaupsamningi 0,4% af heildarfasteignamati.
2. Stimpilgjald af kaupsamningi - 1,6% af heildarfasteignamati hjá lögaðilum.
3. Þinglýsingargjald af kaupsamningi, veðskuldabréfi, veðleyfi og fl. 2.500 kr. af hverju skjali.
4. Lántökugjald lánastofnunar - mismunandi sjá heimasíðu viðkomandi lánastofnunar..
5. Umsýslugjald til fasteignasölu 69.900 kr. m.vsk.

« TIL BAKA

UPPLÝSINGAR

TEGUND
Einbýli
STÆRÐ
232 M²
HERBERGI
6
STOFUR
1
SVEFNHERBERGI
4
BAÐHERBERGI
2
INNGANGUR
Sér
BYGGINGARÁR
2015
LYFTA
Nei
Bílskúr
VERÐ:88.700.000 KR
Samfélagsmiðlar

VILTU VITA MEIRA?

Fasteignasala Reykjavíkur ehf.

Kt: 591087-1349 / Vsknr: 12721
Skeifan 17 / [email protected] / 477-7777